Kolefnisbókhald

Kolefnisspor fyrirtækja samanstendur af umfangi 1, 2 og 3, beinum og óbeinum áhrifum ásamt virðiskeðju. Þegar fyrirtæki upplýsa um kolefnisspor sitt þarf því að horfa til virðiskeðju fyrirtækis, birgja og viðskiptavina og greina hvar áhrif fyrirtækisins liggja.

Samkvæmt GHG staðlinum skipta fimm þættir meginmáli þegar kemur að loftslagsbókhaldi: 

• Vægi (e. relevance); tryggja að loftslagsbókhaldið innihaldi bæði nægar upplýsingar fyrir ytri og innri notendur til byggja ákvarðanir á og að það taki til viðeigandi hluta starfseminnar. 
• Heildstæðni (e. completeness); að allir viðeigandi losunarvaldar fyrir starfsemi fyrirtækisins séu teknir með í reikninginn. 
• Samræmi (e. Consistency); upplýsingar skulu vera sambærilegar yfir tíma.  
• Gagnsæi (e. Transparency); upplýsingum sé safnað á þann hátt að unnt sé að taka þær til endurskoðunar, bæði fyrir innri og ytri aðila og að skilyrði, forsendur, frávik, tilvísanir og heimildir séu tilgreindar. 
• Nákvæmni (e. Accuracy); að gögn séu nógu nákvæm til að lesendur geti treyst niðurstöðunum. Að áætlanir og útreikningar séu með þeim hætti að niðurstöður séu eins réttar og mögulegt er.