Markaðslaun PwC er stærsta launarannsókn sinnar tegundar á Íslandi og kemur nú út í 47. sinn. Til þess að tryggja að fyrirtæki hafi sterkan grundvöll til launaákvarðana fara öll launagögn í gegnum umfangsmikið gæðaeftirlit og flokkun starfa er byggð á áratugalangri reynslu sérfræðinga PwC. Nýttu þér öflugasta launaviðmið landsins til að koma launamálunum í toppstand.
160+
Launaupplýsingar fyrir fleiri en 160 starfsheiti þar sem stuðst er við Ístarf starfaflokkunarkerfið
20.000+
Rannsóknin byggir á launaupplýsingum fyrir rúmlega 20 þúsund launþega á hverju ári
>10%
Rannsóknin tekur því til rúmlega 10% launþega á íslenskum vinnumarkaði
15%
Afsláttur er veittur fyrir skuldbindingu til þriggja ára
Skynsamlegar, upplýstar launaákvarðanir
Á ári hverju gerum við grein fyrir Markaðslaunum á Íslandi fyrir yfir 160 starfsheiti og eru upplýsingarnar settar fram á grunni launaupplýsinga yfir 20 þúsund einstaklinga. Fjöldi stjórnenda reiða sig á þekkingu okkar á sviði launamála, enda búum við yfir upplýsingum um 10% launþega á vinnumarkaðnum.
Markaðslaun PwC eru gefin út á grunni upplýsinga frá þátttökufyrirtækjum úr öllum helstu atvinnugreinum hér á landi. Fjölbreyttur bakgrunnur þátttakenda styrkir viðmiðið og tryggir að þær launatölur sem settar eru fram fangi margbreytileika íslenskra fyrirtækja og endurspegli íslenskan vinnumarkað sem allra best.
Fagleg vinna í greining skilar sér í betri ákvörðununum. Áreiðanleiki skýrslunnar er ótvíræður þar sem gögnin byggja á upplýsingum úr launakerfum þátttökufyrirtækja.
Taktu þátt í Markaðslaunum PwC
Með þátttöku í Markaðslaunum PwC færð þú aðgang að áreiðanlegum launaupplýsingum fyrir yfir 160 starfsheiti.
Einnig færð þú aðgang að sérfræðingum okkar í mannauðsráðgjöf sem hafa víðtæka þekkingu á launa- og mannauðsmálum, sem byggist á áratugalangri reynslu.
Þátttökugjald fyrir Markaðslaun 2025 er 320.000 kr. og er 15% afsláttur veittur fyrir þriggja ára skuldbindingu.
Ferlið við úrvinnslu launaupplýsinga
Eftir að launagögnum hefur verið safnað framkvæmir Markaðslaunateymi PwC umfangsmikla greiningu á upplýsingunum. Launaupplýsingar fyrir hvert starfsheiti eru greindar niður á bakgrunnsbreytur svo að þú getir nálgast eins nákvæman launasamanburð og þér hentar.
- Bakgrunnsbreytur starfsfólks
Meðal þeirra bakgrunnsbreyta sem horft er til í Markaðslaunum PwC eru kyn, aldursbil, starfsreynsla og ábyrgðarstig stjórnenda og sérfræðinga. Allt eru þetta breytur sem geta haft áhrif á launasetningu.
Launaupplýsingar eftir bakgrunnsbreytum hjálpa stjórnendum og mannauðssérfræðingum að taka vel ígrundaðar launaákvarðanir byggðar á raunverulegu markaðsvirði ákveðinna þátta, s.s. starfsreynslu í tilteknu starfi.
- Stjórnendur og sérfræðingar
Í Markaðslaunum PwC eru launaupplýsingar einnig birtar eftir þrepi stjórnenda, enda hefur það margt að segja um skyldur og ábyrgð viðkomandi og þar með launasetningu.
Á síðasta ári voru launaupplýsingar einnig sundurliðaðar eftir stigi sérfræðinga í fyrsta sinn, enda hefur hópurinn breikkað undanfarin ár og launabil innan hópsins sömuleiðis. Til að gefa skýrari mynd af þessum breiða hópi er sérfræðistörfum raðað niður í þrjá flokka eftir reynslu, ábyrgð og inntaki mismunandi sérfræðistarfa.
- Bakgrunnsbreytur vinnuveitanda/fyrirtækja
Við vitum að markaðslaun fyrir sambærileg störf geta verið mismunandi eftir eiginleikum fyrirtækja, svo sem stærð þeirra og atvinnugreinar starfseminnar. Í Markaðslaunum PwC eru launaupplýsingar því einnig sundurliðaðar eftir bakgrunnsbreytum fyrirtækja. Settar eru fram launatölur eftir atvinnugrein, starfsmannafjölda og veltu. Þannig getur þú nálgast upplýsingar um hvað sams konar fyrirtæki og þitt greiða fyrir viðkomandi starf.
- Samsetning hóps
Birtar eru upplýsingar um samsetningu hóps, þar á meðal kynjahlutföll innan hóps, aldursdreifingu, menntunarstig og algengustu menntun.
Upplýsingar um samsetningu hóps geta hjálpað þér við að átta þig á eiginleikum þeirra sem sinna viðkomandi starfi. Við ráðningu gæti til dæmis verið gagnlegt að bera menntunarstig umsækjenda saman við það sem gengur og gerist á markaðnum.
Til þess að tryggja að gögn séu ekki rekjanleg eru niðurstöður aðeins birtar ef hópur samanstendur af fimm eða fleiri einstaklingum.
Ítarleg gagnayfirferð
Við leggjum mikið upp úr gæðum þeirra gagna sem liggja til grundvallar Markaðslaunum PwC, enda vitum við að niðurstöður verða aðeins eins góðar og gæði þeirra gagna sem þær byggja á.
Þegar gögnum er skilað fara þau í gegnum umfangsmikið gæðaeftirlit sem við vinnum stöðugt að því að þróa og bæta svo að viðskiptavinir okkar fái sem besta mynd af raunverulegri stöðu á markaðnum. Þar spilar áratugalöng reynsla sérfræðinga okkar lykilhlutverk, sérstaklega þegar kemur að flokkun starfa og Ístarf starfaflokkunarkerfinu.
Algengar spurningar
